Skanda stotra from shiva rahasya:

देवाद्या ऊचुः ॥

शरणातुलमातुलगाधिपते

करुणाकर कामद कामहन्तः ।

शरकाननसम्भवचारुरुचे

परिपालय तारकमारक नः ॥1

हरसारसमुद्भवहैमवतीकर

पल्लवलालित कम्रतनो ।

पुरवैरिमुकुन्दहृदम्बुनिधे

परिपालय तारकमारक नः ॥2||

शरदिन्दुसमानषडाननापार

सरसीरुहलोचनया विलोचनया ।

निरुपाधिक निजबालतया

परिपालय तारकमारक नः ॥3||

गिरिजासुत सायकभिन्नगिरे

सुरसिन्धुतनूज सुवर्णरुचे ।

शिखिजात शिखावलवाहगते

परिपालय तारकमारक नः ॥4||

जय विप्रजनप्रिय वीरमनोजय

भक्तपरायण भद्र नमो ।

जय शाखविशाखकुमार नमो

परिपालय तारकमारक नः ॥5||

पुरतो भव मे परितो भव मे

पथि मे भगवन् भर रक्ष नमः ।

वीतरागिषु मे विजयिन् भगवन्

परिपालय तारकमारक नः ॥6||

इति कुक्कुटकेतुमनुस्मरतां

पठतामपि षण्मुखषट्कमिदं ।

नमतामभिनन्दनमिन्दुभृतो

न क्षयं क्वचिदस्ति शरीरिणाम् ॥7ll

devādyā ūcuḥ ||

śaraṇātulamātulagādhipate

karuṇākara kāmada kāmahantaḥ |

śarakānanasambhavacāruruce

paripālaya tārakamāraka naḥ ||1II

harasārasamudbhavahaimavatīkara

pallavalālita kamratano |

puravairimukundahṛdambunidhe

paripālaya tārakamāraka naḥ ||2||

śaradindusamānaṣaḍānanāpāra

sarasīruhalocanayā vilocanayā |

nirupādhika nijabālatayā

paripālaya tārakamāraka naḥ ||3||

girijāsuta sāyakabhinnagire

surasindhutanūja suvarṇaruce |

śikhijāta śikhāvalavāhagate

paripālaya tārakamāraka naḥ ||4||

jaya viprajanapriya vīramanojaya

bhaktaparāyaṇa bhadra namo |

jaya śākhaviśākhakumāra namo

paripālaya tārakamāraka naḥ ||5||

purato bhava me parito bhava me

pathi me bhagavan bhara rakṣa namaḥ |

vītarāgiṣu me vijayin bhagavan

paripālaya tārakamāraka naḥ ||6||

iti kukkuṭaketumanusmaratāṃ

paṭhatāmapi ṣaṇmukhaṣaṭkamidaṃ |

namatāmabhinandanamindubhṛto

na kṣayaṃ kvacidasti śarīriṇām ||7II

🙏 Namo Skandaaya 🙏

🙏 Namo Narasimha